BTUAI ბიზნესისა და ტექნოლოგიების უნივერსიტეტის მიერ შექმნილი ანალიტიკური პლატფორმა, რომელიც ხელოვნური ინტელექტის და დარგობრივი ექსპერტების კოლაბორაციით შეიქმნა და ვითარდება. სხვადასხვა სტატისტიკური მონაცემების, კვლევების და სხვა მეგამონაცემების გამოყენებით, BTUAI აგენერირებს ანალიტიკურ მასალას ბიზნესის სხვადასხვა სექტორის, ეკონომიკის ცალკეული დარგების შესახებ, სფეროების შესაბამისად აგროვებს ამუშავებს მასალას და აკეთებს შესაბამის პროგნოზებს, რომელიც სექტორულ განვითარებას და გამოწვევებს, საქართველოსა და მსოფლიოში მიმდინარე მოვლენების ფონზე წარმოაჩენს. აღნიშნული ანალიტიკური მასალა მზადდება ქართულ და ინგლისურ ენაზე, წარმოდგენილია ტექსტური და მულტიმედია მასალის სახით, როგორიცაა პოდკასტი, ვიდეო, ინფოგრაფიკა და სხვა. მასალა მნიშვნელოვან წყაროს წარმოადგენს კერძო და საჯარო სექტორისთვის, მედიისთვის, საერთაშორისო ორგანიზაციებისთვის, კომპანიებისთვის, რომელიც საქართველოს ბაზარზე ოპერირებით არის დაინტერესებული, აგრეთვე მკვლევარებისთვის და ანალიტიკოსებისთვის, რომელთაც სურთ მეტი ინფორმაცია გაიგონ ქვეყნის სხვადასხვა სფეროში მიმდინარე მოვლენების კორელაციის შესახებ, მსოფლიოში არსებულ გამოწვევებთან.
BTUAI Review კი ინოვაციური, ახალი ბიზნესქეისების კატალოგია. ის იქმნება საუკეთესო საერთაშორისო გამოცემებსა და მაღალი სანდოობის მქონე წყაროებზე დაყრდნობით, ადგილობრივი ექსპერტებისა და კურატორების მონაწილეობით და ერთიანდება პლატფორმაზე, სადაც მისი გამოყენება შესაძლებელია როგორც საგანმანათლებლო მასალა, სატრენინგო რესურსი, კომპანიებისა და თანამშრომლების მომზადება/გადამზადების ინსტრუმენტი. გენერირებული უახლესი და ინოვაციური ქეისებით, ახლა უკვე ქართულ ენაზეა შესაძლებელი უახლესი ინფორმაციის მიღება ორგანიზაციების ციფრული ტრანსფორმაციის შესაძლებლობების და გამოწვევების შესახებ, საუკეთესო საერთაშორისო გამოცდილების და სხვადასხვა ინდუსტრიების განვითარების შესახებ. ქეისები წარმოდგენილია სადისკუსიო საკითხები და სხვადასხვა ამოცანები.
