რომელი AI ინსტრუმენტები უნდა გამოიყენოთ ტექსტის გენერაციისთვის?

გენერაციული AI-ის (GenAI) ტექსტის ინსტრუმენტები თანამედროვე ტექნოლოგიების ერთ-ერთი ყველაზე ეფექტური მიმართულებაა, რომელიც მომხმარებლებს საშუალებას აძლევს ავტომატურად შექმნან, რედაქტირონ და სტრუქტურიზონ ტექსტური კონტენტი. ეს ინსტრუმენტები ფართოდ გამოიყენება მარკეტინგში, კვლევებში, კრეატიულ პროექტებში და ყოველდღიურ საქმიანობაში, რაც დროისა და რესურსების დაზოგვას უწყობს ხელს.

ChatGPT, რომელიც OpenAI-ის მიერ არის შექმნილი, გამოირჩევა ტექსტის გენერაციის მაღალი სიზუსტითა და მრავალფეროვნებით. ის იდეალურია სტატიების, ბლოგების, კოდების გენერირებისთვის და მომხმარებელთა კითხვებზე პასუხის გასაცემად. ChatGPT-ის უფასო ვერსია იყენებს GPT-4o mini მოდელს, ხოლო ChatGPT Plus გთავაზობთ გაფართოებულ შესაძლებლობებს, მათ შორის GPT-4o მოდელზე შეუზღუდავ წვდომას, განახლებულ ხმოვან რეჟიმს და ახალ ფუნქციებზე პრიორიტეტულ წვდომას თვეში $20-ის სანაცვლოდ.

Jasper AI სპეციალიზებულია მარკეტინგულ და კრეატიულ კონტენტზე. ის შესანიშნავია სოციალური მედიის პოსტებისა და რეკლამების ტექსტების გენერირებისთვის. Jasper-ის ფასიანი პაკეტი იწყება თვეში $49-დან, რაც მოიცავს სხვადასხვა ფუნქციებსა და ინტეგრაციების შესაძლებლობებს.

Gemini, Google-ის ახალი გენერაციული AI ინსტრუმენტი, ცნობილია მაღალი ხარისხის ტექსტების მომზადებით. მისი გამოყენება მიზანშეწონილია, როდესაც საჭიროა ტექნიკური და მონაცემებზე დაფუძნებული ტექსტები. Gemini-ს უფასო ვერსია გთავაზობთ ძირითად ფუნქციებს, ხოლო Gemini Advanced გთავაზობთ გაუმჯობესებულ შესაძლებლობებს და Google-ის სერვისებთან ინტეგრაციას თვეში $19.99-ის ფარგლებში. 

Claude, რომელიც Anthropic-ის მიერ არის შექმნილი, გამოირჩევა მარტივი და მომხმარებელზე ორიენტირებული ინტერფეისით. უფასო ვერსია შეზღუდულია დღეში 30 შეტყობინებით, ხოლო Claude Pro გთავაზობთ შეუზღუდავ გამოყენებას, პერსონალიზაციის შესაძლებლობებს და Slack-თან ინტეგრაციას თვეში $20-ის სანაცვლოდ. 

Microsoft Copilot ინტეგრირებულია Office 365 პლატფორმასთან და მუშაობს GPT-4 მოდელზე. ის იდეალურია დოკუმენტებში, Excel-ში ან PowerPoint-ში ტექსტების გენერირებისთვის. Copilot-ის გამოყენება შესაძლებელია Office 365-ის გამოწერის ფარგლებში, რომლის ფასებიც მერყეობს, ხოლო პრემიუმ ფუნქციები ხელმისაწვდომია თვეში $20-ის ფარგლებში. 

BTU-ის 2024 წლის ოქტომბრის კვლევის თანახმად, საქართველოში გენერაციული AI-ის მომხმარებლების 93% იყენებს ChatGPT-ს, 23% – Gemini-ს, 15% – Claude-ს და 12% – Microsoft Copilot-ს. მიუხედავად იმისა, რომ ChatGPT აშკარა ლიდერია, სხვა ინსტრუმენტებიც აქტიურად გამოიყენება ი მომხმარებლების მიერ. ამ კვლევის სრული ანგარიში შეგიძლიათ იხილოთ ბმულზე.